„მუშა რომელიც ჯერ არ მომკვდარა, მე ვარ!“ - აღნიშნული ლოზუნგით თბილისში, საქართველოს გაერთიანებული პროფკავშირები შრომის უსაფრთხოების დაცვის მოთხოვნით საპროტესტო აქციას მართავს.

აქციის მონაწილეები ვარდების მოედანზე შეიკრიბნენ, შემდეგ კი, მსვლელობით პარლამენტის შენობასთან გადაინაცვლეს.

მათი ინფორმაციით, შრომის ინსპექციის გაუქმებიდან დღემდე, საწარმოო უბედური შემთხვევის შედეგად ბოლო მონაცემებით 488 ადამიანი დაიღუპა და 800-ზე მეტი დაშავდა.

ისინი პარალამენტისა და მთავრობისგან  ქმედითი შრომის ინსპექციის შექმნას და  მაღალი სტანდარტის რეგულაციების დაწესებას მოითხოვენ.

ამასთან, აქციის მონაწილეებს ადგილზე სხვადასხვა შინაარსის ბანერები აქვთ მიტანილი: „მუშებს სიცოცხლე“, „მუშა რომელიც არ მომკვდარა - მე ვარ!“, „სოლიდარობა მუშებს“.

აქციაში სხვადავხა რეგიონებიდან ჩამოსული მუშები მონაწილეობენ. ადგილზე ასზე მეტი ადამიანია შეკრებილი.

აქციაზე პროფკავშირების წარმომადგენლები ხელმოწერებს აგროვებენ.

აქციის მონაწილეების უსაფრთხოებას საპატრულო პოლიცია იცავს.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს