საპარლამენტო უმრავლესობის წევრის ნუკრი ქანთარიას განცხადებით, ოპოზიცია აფგან მუხთარლის საქმეზე გულწრფელობის იმიტაციას აკეთებს, რაც კარგად გამოსდით.

ქანთარია, მუხთარლის საქმეზე დროებითი საგამოძიებო კომისიის შექმნის მოთხოვნაში ოპიზიციის საკუთარ ინტერესებს ხედავს. იგი ფიქრობს, რომ საკითხი მართლაც რთული და საფრთხილოა, თუმცა ამავდროულად მიაჩნია, რომ ასეთი კომისიის შექმნის დრო არ დამდგარა:

„სიმართლე უნდა ითქვა, თქვენ რასაც საუბრობთ, ზედაპირულად სწორია, გარკვეული გულწრფელობის იმიტაციაც ახლავს თან და ფიქრობთ, რომ საკითხს კუდში მოკიდეთ ხელი. არადა საკითხი მართლა ძალიან რთულია და საფრთხილოა.  გარკვეულ მოთვალთვალეებს თავისი ინტერესები  აქვს და ესეც ბუნებრივია, გამოკვეთილია აქ თქვენი ინტერესი. თქვენ რომ ცოდვიანი ოპოზიცია არ იყოთ, იქნება კიდევ ამ საკითხში რაღაც დამეჯერებინა, მაგრამ თქვენ, რომელსაც ძალიან დიდი გამოცდილება გაქვთ ადამიანის უფლებების დაღვევაში, წამებაში, ძალიან ძნელია, რომ თქვენ ახლა ასე მსოფლიო მასშტაბით აზროვნებთ. არა მარტო  მე არ მჯერა, ალბათ  საზოგადოების დიდ ნაწილს არ სჯერა. გასაგებია ჩემთვის,  რისთვის გინდათ ეს. ვფიქრობ, ეს იმდენად რთული საკითხია, შეიძლება მოვიდეს დრო, რომ ჩვენ დავსვათ მწვავედ ეს კითხვა, შეიძლება ზოგს მიაჩნია, რომ უკვე მოვიდა ეს დრო, მე პირადად მართლა არ მიმაჩნია ასე. გულწრფელობის იმიტაცია გაგაჩნიათ, კარგად მომზადებულები ხართ, მაგრამ კარგად რომ ვიცნობ თქვენს მოდგამს, შიგნით რა ქვეტექსტებია, ეს ჩემთვის ნათელია“,-განაცხადა ნუკრი ქანთარიამ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა