„ეს არის ჩვენი სამოქალაქო საზოგადოების და საერთაშორისო ორგანიზაციების დიდი ბრძოლის შედეგი“, - ასე შეაფასა დემირელის კოლეჯის ხარისხის მართვის ყოფილი მენეჯერის, მუსტაფა ემრე ჩაბუქის ადვოკატმა სოსო ბარათაშილმა საქალაქო სასამართლოს დღევანდელი გადაწყვეტილება.

ადვოკატის თქმით, პროცესი კვლავ გაგრძელდება, რომელზეც განიხილება ექსტრადიციის დაუშვებლობასთან დაკავშირებით დაცვის მხარის წერილობითი პოზიცია.

„აქ ჩართულები იყვნენ ჟურნალისტები, პედაგოგები, სახალხო დამცველი, რიგითი მოქალაქეები, ევროპალამენტის წევრები, საერთაშორისო ორგანიზაციების წარმომადგენლები. ეს არის ნამდვილი ბრძოლა სამართლებრივი სახელმწიფოსთვის და დემოკრატიული ღირებულებების დამკვიდრებისთვის“, - განაცხადა სოსო ბარათაშვილმა.

ჯერჯერობით უცნობია, თუ როდის გაიმართება ჩაბუქის ექსტრადირების საკითხზე მომდევნო სასამართლო პროცესი. პროცედურის მიხედვით, სხდომაზე განიხილება დაცვის მხარის წერილობითი პოზიცია ჩაბუქის თურქეთში ექსტრადირების დაუშვებლობის თაობაზე, შემდეგ კი, მოსამართლეს შესაძლებლობა ექნება, გადაწყვეტილება გამოაცხადოს.

შეგახსენებთ, თბილისის საქალაქო სასამართლომ დემირელის კოლეჯის ხარისხის მართვის ყოფილი მენეჯერი მუსტაფა ემრე ჩაბუქი, საექტრადიციო პროცედურების ამოწურვამდე, 1000-ლარიანი გირაოს სანაცვლოდ გაათავისუფლა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა