კიევში საპროტესტო აქცია პოლიციასთან შეტაკებით დასრულდა.

აქცია სოლომენსკის რაიონულ სასამართლოსთან, ოდესის მერის გენადი ტრუხანოვის საქმის განხილვის პარალელურად  მიმდინარეობდა. არეულობა  მას შემდეგ დაიწყო, რაც სასამართლომ კორუფციაში ეჭვმიტანილი ტრუხანოვი თავდებით გაათავისუფლა.

შეტაკების დროს სამართალდამცველებმა 37 ადამიანი დააკავეს, მათ  შორისაა  საქართველოს მოქალაქე, ბატალიონ "დონბასის" წევრი, ლუკა ჩხეტია.

როგორც პარტია „სამოპომიჩის“ წევრი, დეპუტატი ეგორ სობოლები Facebook-ის საკუთარ გვერდზე წერს, ამ დროისთვის 37 აქტივისტიდან პოლიციამ 33 გაათავისუფლა.

„პოლიციასთან შეტაკებების შედეგად 37 ადამიანი დააკავეს, სცემეს და ძალის გამოყენებით გადაიყვანეს პოლიციის განყოფილებებში. მას შემდეგ რაც იქ მე, დეპუტატებთან სემენ სემენჩენკოსთან და პაველ კოსტენკოსთან და ადვოკატებთან ერთად მივედით, 33 დაკავებული გაათავისუფლეს“, - წერს სობოლევი „ფეისბუქის“ საკუთარ გვერდზე.

მისივე „დონბასის“ წევრები: ლუკა ჩხეტია, ნიკოლაი ჩუდოვსკი, ალექსანდრე ფედორჩენკო და ბატალიონ „აიდარის“ წევრი ვლადიმერ ხიტრიჩი წინასწარი დაკავების იზოლატორში  რჩებიან.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა