საქართველოში ამერიკის შეერთებული შტატების ელჩი იან კელი ყოფილი პრეზიდენტის მიხეილ სააკაშვილის დაკავებას და უკრაინიდიან გაძევებას გამოეხმაურა.

როგორც ელჩმა ჟურნალისტებთან საუბარში აღნიშნა, აუცილებელია, ყოფილი პრეზიდენტის და ზოგადად ყველა მოქალაქის უფლება დაცული იყოს.

"ყურადღებით ვადევნებთ თვალს მომხდარს. მნიშვნელოვანია, რომ მიმდინარე მოვლენები მკაცრი დაკვირვების ქვეშ იყოს და პროცესი სამართლიანად წარიმართოს, ეს ეხება ყველა მოქალაქეს, არამხოლოდ საქართველოს ექს-პრეზიდენტს. რაც შეეხება იმას, თუ როგორ აისახება ეს ყველაფერი საქართველოში მიმდინარე პოლიტიკურ პროცესებზე, არაერთხელ აღვნიშნე, რომ ჩვენი პრიორიტეტია საქართველო გახდეს ძლიერი, მტკიცე და სტაბილური სახელმწიფო. ვფიქრობ, რომ საქართველომ ყურადღება სწორედ ამ მიზანზე უნდა გაამახვილოს - და უზრუნველყოს სტაბილური და წარმატებული მომავალი თავისი ხალხისთვის. თუმცა, საქართველო სუვერენული ქვეყანაა და მან თავად უნდა მიიღოს მსგავსი გადაწყვეტილებები", - განაცხადა იან კელიმ.

შეგახსენებთ, რომ 12 თებერვალს კიევის ერთ-ერთ რესტორანში საქართველოს მესამე პრეზიდენტი მიხეილ სააკაშვილი სპეცრაზმელებმა დააკავეს. ამის შემდეგ ყოფილი პრეზიდენტი პოლონეთში გააძევეს და განაცხადეს, რომ მას უკრაინის ტერიტორიაზე ლეგალურად ყოფნის საფუძველი არ ჰქონდა. თავად სააკაშვილი გაძევებას პოლიტიკურ დევნად აფასებს და აცხადებს, რომ ეს ვლადიმერ პუტინის, პეტრო პოროშენკოს და ბიძინა ივანიშვილის ერთობლივი გადაწყვეტილებაა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა