შრომის, ჯანმრთელობის და სოციალური დაცვის მინისტრის დავით სერგეენკოს განცხადებით, პარლამენტი მიმდინარე კვირას შრომის უსაფრთხოების საკითხებთან დაკავშირებით კანონპროექტს მეორე მოსმენით განიხილავს.

როგორც სერგეენკომ საკომიტეტო მოსმენისას აღნიშნა, გამჭვირვალე და სამართლიანი შრომის ინსპექციის ინსტიტუციის გაძლიერება მნიშვნელოვანია.

ამავდროულად, მინისტრი ამბობს, რომ ბევრად მნიშვნელოვანია, საზოგადოებას შრომის უსაფრთხოების საკითხის მართვის იერარქიაზე სწორი წარმოდგენა ჰქონდეს.

“შრომის ინსპექტორის ფუნქცია ამა თუ იმ ობიექტზე 24 საათის განმავლობაში მეთვალყურეობა არ არის. შრომის ინსპექტორის ფუნქციაა სისტემური მოდულების შემოწმება. მაგალითად, ცხელ საამქროში არის თუ არა ჰაერის გაგრილების სისტემა, სამშენებლო და მაღალი სიმაღლის ობიექტებზე არის თუ არა კონკრეტული სტანდარტების შესაბამისი დამცავი ინდივიდუალური და კოლექტიური აღჭურვილობა.

შრომის ინსპექტორი სწორედ ამას ამოწმებს და არა იმას, თუ რამდენად იცავენ იქ მომუშავე ადამიანები ამ აღჭურვილობის, თუ ტექნოლოგიის სწორად  გამოყენების წესებს - შრომის ინსპექტრი ნახულობს, არსებობს თუ არა ეს მოდულები. მეორე, ეს არის ეკონომიკის სამინისტროს ტექნიკური რეგლამენტის შესაბამისი სამსახური, რომელიც გარკვეულ მშენებლობებზე პირდაპირ ზედამხედველობას აწესებს და არის პოლიტიკის მთავარი შემმუშავებელი შრომის უსაფრთხოების რეგულაციების შექმნაში. მესამე იერარქია შრომის უსაფთხოებაში არის ადგილობრივი მუნიციპალიტეტების ტექნიკური ზედამხედველობის სამსახურები, რომლებიც არჩევითად ახორციელებენ ზედამხედველობას, სრულდება თუ არა ესა თუ ის პირობა.

მეოთხე - ეს არის საერთოდ არარსებული, თუ რუდიმენტულად არსებული, მაგრამ რატომღაც საზოგადოების ყურადღების გვერდზე დატოვებული ეშელონი, რომლესაც საკუთრივ კომპანიების უსაფრთხოების სამსახურები ჰქვია. მათი პირდაპირი ამოცანაა, რომ 24/7-ზე რეჟიმში აწარმოოს მეთვალყურეობა, თუ რამდენად სრულდება შრომის ინსპექტორის მიერ შემოწმებული, ეკონომიკის სამინისტრის მიერ შექმნილი და ადგილობრივი მუნიციპალიტეტების მიერ დაზუსტებული და იმპლემენტირებული რეგულაციები. შრომის ინსპექტირებზე აქცენტირება სწორია, მართალია, მაგრამ ასევე აუცილებელია აქცენტირება გაკეთდეს მეოთხე ეშელონზე”, - განმარტა ჯანდაცვის მინისტრმა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა