ლტოლვილთა და განსახლების მინისტრი სოზარ სუბარი თბილისიდან გატაცებული ჟურნალისტის აფგან მუხთარლის მიერ გაკეთებულ განცხადებებს ეხმაურება.

როგორც მინისტრმა აღნიშნა, მუხთარლის მიერ მოყოლილი გატაცების დეტალები აბსურდულია.

"ეს ადამიანი ციხეშია, კარგად მესმის მისი, მას შეიძლება ბევრი რამე აწუხებდეს, მაგრამ ტყუილების თქმა და მოგონება არ ეკადრება არავის და მითუმეტეს ადამიანს, რომელიც არის ჟურნალისტი და რომელსაც ჟურნალისტურ გამოძიებებზე აქვს პრეტენზია. ეს არის ძალიან არასერიოზული განცხადებები. რაც შეეხება იმას, თუ როგორ მოხდა ეს პიროვნება საზღვარზე ამასთან დაკავშირებით არის ძალიან ბევრი კითხვა და იმედი მაქვს გამოძიება დაადგენს. დღისით-მზისით თბილისის ცენტრში რომ ადამიანის გატაცება მოხდეს შეუძლებელია იქ არ იყოს რამდენიმე ათეული მოწმე, რომელიც იმავე წუთში დარეკავს პოლიციაში, იმავე წუთში გადაიღებს ამას ვიდეოზე და ჩვენ მოწმე ვართ, რომ მსგავსი რამეები ასე არ ხდება. შესაბამისად ეს თუ მართლა მოხდა, გატაცება თბილისის ცენტრში, ფორმიანი ადამიანების მიერ, არის აბსოლუტურად წარმოუდგენელი, აბსურდი და შესაბამისად მუხთარლის ბრალდებებიც არამხოლოდ საფუძველს არის მოკლებული, არამედ ცოტა არ იყოს გავიდა საზღვარს", - განაცხადა სოზარ სუბარმა.

ცნობისთვის, აზერბაიჯანელმა ჟურნალისტმა აფგან მუხთარლიმ თბილისიდან მისი გატაცების ხელშეწყობაში საქართველოს პრემიერ-მინისტრს გიორგი კვირიკაშვილი დაადანაშაულა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა