„ჩემი წინადადება არც ერთ შემთხვევაში არ აყენებს საქართველოს ტერიტორიულ მთლიანობას კითხვის ნიშნის ქვეშ“, - ამის შესახებ Heritage-ის ფონდის საერთაშორისო კვლევების ცენტრის დირექტორმა ლუკ კოფიმ განაცხადა.

„ამ ანგარიშის დაწერა გადავწყვიტე არა მხოლოდ იმის გამო, რომ 2018 წელს სრულდება საქართველოში რუსეთის შემოჭრის 10 წლისთავი, არამედ ბუქარესტის სამიტისაც. ჩემი აზრით ახლა არის საუკეთესო დრო რომ ახლებურად ვიფიქროთ, თუ როგორ უნდა მოხდეს საქართველოსა და ნატოს ერთმანეთთან დაახლოება. მინდა ხაზგასმით აღვნიშნო, რომ ჩემი წინადადება არცერთ შემთხვევაში არ აყენებს საქართველოს ტერიტორიულ მთლიანობას კითხვის ნიშნის ქვეშ. საქართველოს ხელისუფლებას აქვს ოკუპირებული ტერიტორიების მიმართ ძალის არგამოყენების პირობა, ამიტომ არ მგონია გვჭირდებოდეს ნატო-ს წევრობის საკითხის გართულება მე-5 მუხლთან დაკავშირებული დებატებით. თქვენ არ გჭირდებათ მე-5 მუხლით გათვალისწინებული უსაფრთხოების გარანტია ოკუპირებული რეგიონებისთვის. როდესაც ოკუპაცია მშვიდობიანი გზებით დასრულდება, შემდეგ უკვე შეიძლება აფხაზეთისა და ცხინვალის რეგიონის მე-5 მუხლში შეტანა. ჩემი აზრით, ეს ინიციატივა არის რეალისტური გზა საქართველოს ნატო-სთან დასაახლოვებლად“, - განაცხადა ლუკ კოფიმ.

ცნობისთვის, ლუკ კოფიმ Heritage-ის ფონდის სტატიაში გამოთქვა რეკომენდაცია, რომ საქართველო დაჩქარებულად გახდეს ჩრდილოატლანტიკური ალიანსის წევრი და კოლექტიური თავდაცვის შესახებ მე-5 მუხლი ოკუპირებულ რეგიონებზე დროებით არ გავრცელდეს.

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე