თბილისის საქალაქო სასამართლო #35-ე სკოლის მოსწავლეების დაჭრაში ბრალდებულთან დაკავშირებით განცხადებას ავრცელებს.

როგორც განცხადებაშია აღნიშნული, მკვლელობის მცდელობისათვის ბრალდებულს აღკვეთის ღონისძიების სახედ პატიმრობა განესაზღვრა.

„წარდგენილი ბრალის თანახმად, ა.ნ.-ს ბრალად ედება მკვლელობის მცდელობა, დამნაშავისათვის წინასწარი შეცნობით არასრულწლოვანებისა და ორი პირის მიმართ.

საქმის მასალების თანახმად, 2018 წლის 31 იანვარს,  თბილისში, ყაზბეგის გამზირზე მდებარე ე.წ. ‘’წითელ ბაღში’’, ფიზიკური დაპირისპირებისას, ბრალდებულმა მკვლელობის განზრახვით, ნ.ც.-სა და ი.ც.-ს გულ-მკერდის მარცხენა ნახევრის არეში, დანის დარტყმით მიაყენა სიცოცხლისათვის სახიფათო ჭრილობები. 

ბრალდებულის არასრულწლოვანების გამო, სასამართლომ აღკვეთის ღონისძიების შეფარდების საკითხზე დახურულ სასამართლო სხდომაზე იმსჯელა. მიმალვის, მტკიცებულებების მოპოვებისათვის ხელის შეშლის და ახალი დანაშაულის ჩადენის საფრთხეთა გათვალისწინებით, სასამართლომ მიიჩნია, რომ სახეზეა არასრულწლოვანთა მართლმსაჯულების კოდექსით გათვალისწინებული პატიმრობის გამოყენებისათვის საკმარის საფუძველთა ერთობლიობა“, - ნათქვამია სასამართლოს განცხადებაში.

საქმეზე წინასასამართლო სხდომა 2018 წლის 7 მარტს 16:00 საათზე გაიმართება.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია