2018-01-30 20:13:04, 1920 ნახვა
საზოგადოება
მეტრო ”ვარკეთილი” მგზავრებს, სავარაუდოდ ხვალ, 06:00 საათიდან მოემსახურება
მეტროსადგური „ვარკეთილი“ მგზავრების მომსახურებას, სავარაუდოდ, 31 იანვარს, დილის 06:00 საათიდან შეძლებს.
როგორც „ექსპრესნიუსს“თბილისის სატრანსპორტო კომპანიაში განუცხადეს, „ვარკეთილის“ მეტროში დასუფთავების სამუშაოები დასრულებულია.
შეგახსენებთ, დღეს, დაახლოებით 10:30 საათზე მეტროსადგურ „ვარკეთილის“ ქვედა ვესტიბულში დაკიდული ჭერის კონსტრუქცია ჩამოვარდა. ინციდენტის შედეგად 14 ადამიანი დაშავდა, მათ შორის პოლიციის ერთი თანამშრომელია.
შინაგან საქმეთა სამინისტრომ მომხდარზე გამოძიება სსკ-ის 240-ე მუხლით დაიწყო (უსაფრთხოების წესის დარღვევა სამთო, სამშენებლო ან სხვა სამუშაოს წარმოებისას, რამაც გამოიწვია ჯანმრთელობის ნაკლებად მძიმე ან მძიმე დაზიანება).
![]()
ავტორი: ,
epn.ge (@expressnews.ge)
