ამერიკული მედიის, კერძოდ კი, CNN-ის ცნობით, ჟურნალისტი ოპრა უინფრი 2020 წლის აშშ-ის საპრეზიდენტო არჩევნებში საკუთარ კანდიდატურას წარადგენს. ამის შესახებ ინფორმაცია გამოცემას უინფრის ახლო მეგობრებმა მიაწოდეს.

მედიის მტკიცებით, ოპრა უინფრის გუშინწინდელი გამოსვლა "ოქროს გლობუსის" ცერემონიაზე, "მომავალი პოლიტიკოსის სიტყვას უფრო წააგავდა".

ერთ-ერთი წყაროს ინფორმაციით, ტელეწამყვანის ახლო მეგობრები მას უკვე რამდენიმე თვეა ამ თემაზე ესაუბრებიან და უბიძგებენ, რომ მან 2020 წლის აშშ-ის "საპრეზიდენტო რბოლაში" მონაწილეობა მიიღოს.

უინფრის ძველი მეგობრის სტედმან გრემის თქმით, მოცემულ სიტუაციაში ეს ნაბიჯი შესაძლებელია. "ეს ხალხზეა დამოკიდებული, ის ამას გააკეთებდა",- ამბობს გრემი ერთ-ერთ ინტერვიუში.

აღსანიშნავია, რომ ოპრა უინფრისთვის ეს პირველი პოლიტიკური ნაბიჯი არ იქნება. 2008 წლის არჩევნებში ის ბარაკ ობამას აქტიური მხარდამჭერი გახლდათ. მოგვიანებით ოპრა აშშ-ის ექს სახელმწიფო დეპარტამენტის უფროსის და 2016 წლის საპრეზიდენტო არჩევნებში ჩართულ ჰილარი კლინტონის შეიძლება ითქვას აგიტატორი გახლდათ. "ამერიკა, დროა გავაკეთოთ ეს არჩევანი",- თქვა უინფრიმ, როცა ერთ-ერთ სატელევიზიო შოუში საუბარი შესაძლო პირველ ქალ პრეზიდენტს შეეხო.

ოპრა უინფრი აშშ-ის მოსახლეობაში კოლოსალური პოპულარობით სარგებლობს. ის მრავალი წლის განმავლობაში ეკრანებიდან არ ქრება, მისი რეპუტაცია  და ქარიზმა ისეთივე დიდია, როგორც მისი ქონება, რაც ტელეწამყვანს მომავალ პოლიტიკურ კარიერაში ძალიან წაადგება“, - წერენ ამერიკული ტაბლოიდები.

ავტორი: ,

სოციალური ქსელები

სერბეთის პატრიარქი პორფირიე - ქართველმა ხალხმა მიიღო სათნო მამა, კეთილი მწყემსი და დაუღალავი მასწავლებელი

18 წლის მორაგბე ნიკოლოზ წიკლაური გარდაიცვალა

მამა იერონიმე ქათამაძე: არის რაღაც ინფორმაციები, რომ ახალი პატრიარქი შეძლებს საყოველთაო შერიგებას

მეუფე ნიკოლოზი: მიმაჩნია, რომ ქვეყანაში სინდისის პატიმრები და პოლიტიკური პატიმრები საერთოდ არ უნდა იყვნენ