ოფიციალური მიღება და საზეიმო ვახშამი, კათოლიკოს პატრიარქის ილია მეორის დაბადების დღესთან დაკავშირებით, საპატრიარქოში არ გაიმართება.

საზეიმო ვახშმის გადადების ერთ-ერთ მიზეზად პატრიარქის ჯანმრთელობის მდგომარეობა სახელდება.

როგორც პატრიარქის პირადმა ექიმმა ცისანა შარტავამ განაცხადა, “არის გარკვეული პრობლემები“.

"ის დაკვირვების ქვეშ იმყოფება და აქტიურია, ხვდება ხალს და მილოცვებს ღებულობს“, - აღნიშნა  შარტავამ.

პატრიარქის კიდევ ერთი ექიმის, მანანა შეროზიას თქმით, ილია მეორე თავს ნორმალურად გრძნობს და ღონისძიების არჩატარების მიზეზი, მისი პირადი სურვილია.

”უწმინდესმა თქვა, რომ ახლა არ არის ამის დრო და საშუალება, რომ ზარ-ზეიმით აღვნიშნო ჩემი დაბადების დღე, ეს იყო მიზეზი, რომ უწმინდესმა უარი თქვა პომპეზური დაბადების დღის აღნიშვნაზე“, - განაცხადა მანანა შეროზიამ.

ცნობისთვის, საპატრიარქოში დღეს ჩანიშნული ერთადერთი ღონისძიება ბიბლიის ახალი ვერსიის პრეზენტაციას უკავშირდება. აღნიშნულ ღონისძიებას საქართველოს პრეზიდენტი გიორგი მარგველაშვილი, პრემიერ-მინისტრი გიორგი კვირიკაშვილი და პარლამენტის თავმჯდომარე ირაკლი კობახიძე დაესწრებიან.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს