NDI-ს კვლევის თანახმად, გამოკითხულთა 52% პარლამენტში სავალდებულო გენდერული კვოტის შემოღებას მხარს უჭერს

2015-05-11 12:52:18, 364 ნახვა

პოლიტიკა

ეროვნულ-დემოკრატიული ინსტიტუტის, NDI-ის 2015 წლის აპრილის თვეში ჩატარებული კვლევის თანახმად, გამოკითხულთა 16% სრულად მხარს უჭერს ქალთა პოლიტიკური მონაწილეობის გაზრდის მიზნით, პარლამენტში სავალდებულო გენდერული კვოტის შემოღებას. გამოკითხულთა 52% მხარს უჭერს, 13% -არ უჭერს, გამოკითხულთა 3% საერთოდ არ უჭერს მხარს პარლამენტში სავალდებულო გენდერული კვოტის შემოღებას, 15%-მა კი განაცხადა, რომ არ იცის.
ეროვნულ-დემოკრატიული ინსტიტუტის (NDI) კვლევის საველე სამუშაოები ჩატარდა 27 მარტი - 19 აპრილის პერიოდში, საქართველოს მასშტაბით 4360 პირისპირ ინტერვიუს წარმომადგელობითი შერჩევის საფუძველზე. NDI-ის კვლევებს შვედეთის საერთაშორისო განვითარების და თანამშრომლობის სააგენტო (Sida) აფინანსებს და CRRC–საქართველო ატარებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან