სომხეთის უსაფრთხოების სამსახურმა ქვეყანაში ტერაქტების სერიის აღკვეთის შესახებ განაცხადა, - ამის შესახებ Haqqin.az იუწყება.

მედია საშუალების ინფორმაციით, უსაფრთხოების სამსახურმა დანაშაულებრივი ქსელი გამოავლინა, რომლის მიზანი ტერაქტის განხორციელება იყო.

მედიის ცნობით, ეთნიკურად სომეხმა, ამერიკის შეერთებული შტატების მოქალაქე რ.კ.-მ 2017 წლის სექტემბერში Martin Avagyan-ის სახელით სოციალურ ქსელ Facebook-ში გვერდი შექმნა. ამ გვერდის მეშვეობით, რ.კ. მოსახლეობას სამართალდამცველებისა და მაღალჩინოსნების წინააღმდეგ ძალადობისკენ მოუწოდებდა.

სააგენტო წერს, რომ რ.კ. დანაშაულებრივი ჯგუფის შექმნას ცდილობდა, როგორც სომხეთში, ისე მის ფარგლებს გარეთ მცხოვრები ეთნიკურად სომხების მონაწილეობით.

„აღნიშნული პიროვნება, რჩევებით, მითითებებით და ფინანსური საშუალებებით, შუამავლების მეშვეობით სომხეთის ტერიტორიაზე ტერორისტულ მოქმედებებს ამზადებდა“, – აღნიშნულია სომხეთის უსაფრთხოების სამსახურის მიერ გავრცელებულ განცხადებაში.

მათივე თქმით, ამერიკის მოქალაქე ძებნაშია გამოცხადებული და მას ბრალი დაუსწრებლად წარუდგინეს.

ავტორი: ,

სოციალური ქსელები

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო