თავდაცვის ინსტიტუციური აღმშენებლობის სკოლასა (DIB) და ნიდერლანდების სამეფოს კლინგენდაელის საერთაშორისო ურთიერთობების ინსტიტუტის ორგანიზებით, ტრენინგი „სამხედრო-სამოქალაქო თანამშრომლობა ჰიბრიდული საფრთხეების საპასუხოდ" დაიწყო. 

თავდაცვის სამინისტროს ინფორმაციით, კურსს კლინგენდაელის საერთაშორისო ურთიერთობების ინსტიტუტის წარმომადგენლები, გუს ჰოფსტიდი და რუდოლფ კეიზერი უძღვებიან.

უწყების ცნობით, ორი დღის განმავლობაში ისინი ქართველ ექსპერტებთან ერთად, მსმენელებს ჰიბრიდული ომის საფრთხეებსა და ამ ფონზე, სამხედრო-სამოქალაქო თანამშრომლობის მნიშვნელობაზე ესაუბრებიან.

კურსს თავდაცვის უწყების, მის დაქვემდებარებაში არსებული საჯარო სამართლის იურიდიული პირების წარმომადგენლები და უსაფრთხოების სექტორის სხვა საჯარო მოხელეები ესწრებიან.

ტრენინგის დასასრულს, მონაწილეებს DIB სკოლისა და კლინგენდაელის საერთაშორისო ურთიერთობების ინსტიტუტის ერთობლივი სერტიფიკატი გადაეცემათ.

კლინგენდაელის ინსტიტუტი და თავდაცვის ინსტიტუციური აღმშენებლობის სკოლა ინტენსიურად თანამშრომლობენ.

 ჰოლანდიელი სპეციალისტები DIB სკოლას რეგულარულად სტუმრობენ და ქართულ მხარეს გამოცდილებას უზიარებენ.

(NS) 

ავტორი: ,

სოციალური ქსელები

ნანუკა ჟორჟოლიანი ენმ-სთან კონსულტაციებს ადასტურებს

4 ოქტომბრის საქმეზე დაკავებული კიდევ 6 პირი საპროცესო შეთანხმებით გაათავისუფლეს

გალტ & თაგარტის ჩართულობით, ინვესტორებმა UzNIF-ის ისტორიულ IPO-ში მონაწილეობა მიიღეს

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს