ადამიანის უფლებათა დაცვის კომიტეტის თავმჯდომარე სოფიო კილაძე მიიჩნევს, რომ დანაშაულის შესამცირებლად,  მხოლოდ კანონმდებლობის გამკაცრება საკმარისი არ არის.

მისი თქმით, მუშაობა განათლებისა და ოჯახების მიმართულებითაა გასაძლიერებელი:

„მე არ მგონია, რომ მხოლოდ კანონმდებლობის გამკაცრება იყოს გამოსავალი ამ სიტუაციიდან. მგონია, რომ პირველ რიგში ეს განათლების თემაა და უნდა გავაძლიეროთ ოჯახების მიმართულებით ასევე მუშაობა. სკოლა და ოჯახი არის მნიშვნელოვანი ასეთ საკითხებთან მიმართებით“,-აღნიშნა სოფიო კილაძემ.

შეგახსენებთ, პირველ  დეკემბერს, ხორავას ქუჩაზე, სკოლის მოსწავლეებს შორის  შელაპარაკების დროს ორი მოზარდი დაჭრეს, რომელთაგან ერთი იმავე დღეს, საავადმყოფოში მიყვანამდე გარდაიცვალა, ხოლო მეორე 2 დეკემბერს რესპუბლიკურ საავადმყოფოში დაიღუპა.

შინაგან საქმეთა სამინისტრომ მომხდართან დაკავშირებით ერთი პირი იმავე დღეს დააკავა, ხოლო კიდევ ერთი ბრალდებული მიმალვაში იმყოფება. ასევე, დღეს შსს-მ დანაშაულის დაფარვის ბრალდებით კიდევ სამი პირი დააკავა.

ავტორი: ,

სოციალური ქსელები

პოლონეთი ქვეყანაში შესვლის გამკაცრებას გეგმავს, მათ შორის საქართველოს მოქალაქეებისთვის

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას