New York Times: რექს ტილერსონი თანამდებობას ტოვებს

2017-11-30 20:19:35, 2494 ნახვა

მსოფლიო

ამერიკის შეერთებული შტატების სახელმწიფო მდივანი რექს ტილერსონი თანამდებობას დატოვებს, - ამის შესახებ ინფორმაციას New York Times ავრცელებს.

მედია საშუალების ინფორმაციით, თეთრმა სახლმა შესაბამისი საკადრო ცვლილებების გეგმა უკვე შეიმუშავა.

New York Times-ი წყაროზე დაყრდნობით იტყობინება, რომ რექს ტილერსონს დაზვერვის ცენტრალური სააგენტოს ხელმძღვანელი მარკ პომპეო შეცვლის. პომპეოს ადგილს კი, დემოკრატი სენატორი ტომ კოტონი დაიკავებს.

აღნიშნულ ინფორმაციას ქვეყნის პრეზიდენტი დონალდ ტრამპი უკვე გამოეხმაურა: "რექსი აქ არის!".

შეგახსენებთ, რომ რექს ტილერსონის შესაძლო გადადგომის შესახებ ინფორმაცია მიმდინარე წლის ზაფხულშიც გავრცელდა. მაშინ ამერიკულმა მედიამ გადადგომის მიზეზად ტილერსონსა და დონალდ ტრამპს შორის არსებული უთანხმოება დაასახელა. თუმცა ეს ინფორმაცია რექს ტილერსონმა უარყო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები