„ეს სამარცხვინო ფურცელი საქართველოს ისტორიაში უნდა დაიხუროს. უნდა დამთავრდეს საუბარი პოლიტიკურ დევნაზე და პოლიტიკურ პატიმრებზე“,- ასე გამოეხმაურა სტრასბურგის ადამიანის უფლებათა ევროპული სასამართლო  გადაწყვეტილებას  „ევროპული საქართველოს“ ერთ-ერთი ლიდერი გიგა ბოკერია.

ბოკერიას თქმით, მერაბიშვილის გათავისუფლება ქვეყნის იმიჯის საკითხია და ამავე დროს, ხელისუფლების ინტერესებშიც შედის.

„ეს არ გახლავთ რომელიმე ცალკეული პატიმრის ინტერესი, ცალკეული პოლიტიკური ძალის ინტერესი, ეს არ არის შიდა პოლიტიკური ბრძოლის საგანი. ეს არის ქვეყნის მომავლის ნორმალური დემოკრატიული ტრადიციის, ქვეყნის იმიჯის საკითხი. ეს შედის ყველა ჩვენგანის ინტერესებში. ეს შედის დღეს ვინც ხელისუფლებაშია იმათ ინტერესებში, რომ როცა დემოკრატიული არჩევნების გზით ხელისუფლების შეცვლა მოხდება, წარსულს ჩაბარებული იყოს პოლიტიკური ნიშნით დევნა. საქართველო არასდროს აღარ უნდა დაბრუნდეს ამ პოსტსაბჭოთა ჭაობში“, - განაცხადა  გიგა ბოკერიამ.

ცნობისთვის, სტრასბურგის სასამართლომ ვანო მერაბიშვილის საქმეზე მე-18 მუხლის დარღვევა ძალაში დატოვა.

ავტორი: ,

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები