სპეცოპერაციის ადგილზე პოლიციის დამატებითი ძალების მობილიზება ხდება

2017-11-22 12:08:12, 1960 ნახვა

სამართალი

ბერი გაბრიელ სალოსის ქუჩაზე პოლიციის დამატებითი ძალების და ჯავშანტექნიკის მობილიზება ხდება.

ამ დროისთვის სპეცრაზმი პერიმეტრს სრულად აკონტროლებს.

სამართალდამცველები მოქალაქეებს ტერიტორიის დატოვებისკენ მოუწოდებენ.

ანტიტერორისტული ოპერაცია 17 საათზე მეტია მიმდინარეობს. ადგილზე სამართალდამცველებსა და ეჭვმიტანილ პირებს შორის შეტაკება რამდენჯერმე მოხდა.

დადასტურებული ინფორმაციით, სპეცოპერაციის დროს ერთი სპეცრაზმელი დაიჭრა. იგი ინგოროყვას კლინიკაშია გადაყვანილი. ამასთან, ვრცელდება ინფორმაცია, რომ დაჭრილია კიდევ ერთი სამართალდამცველი, თუმცა ამ ინფორმაციას უწყებები არ ადასტურებენ.

ამასთან, აფეთქებების შედეგად კორპუსის მესამე და მეოთხე სართულზე, სადაც ეჭვმიტანილები იმყოფებიან ხანძარი გაჩნდა. გავრცელებული ინფორმაციით, ეჭვმიტანილები საქართველოს მოქალაქეები არ არიან და მათ ტერორიზმთან კავშირი ედებათ ბრალად.

ამ დრომდე გრძელდება ადგილიდან მოსახლეობის ევაკუაცია.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები