2017-11-15 19:36:22, 2352 ნახვა
მსოფლიო
საბერძნეთში სტიქიას მსხვერპლი მოჰყვა
საბერძნეთში სტიქიას მსხვერპლი მოჰყვა.
ბერძნული მედიის ინფორმაციით, წყალდიდობის შედეგად 11 ადამიანი დაიღუპა, კიდევ 10 ჰოსპიტალიზებულია. სამოქალაქო თავდაცვის სამსახურის ცნობით, არიან ასევე დაკარგულებიც.
ატიკას რეგიონში გადაუღებელი წვიმის შემდეგ, მდინარეები ადიდდა და ათენის შემოგარენში მდებარე დასახლებები დატბორა. ნაწილობრივ დაინგრა სახლები და ნაგებობები. სამ ქალაქში საგანგებო მდგომარეობაა გამოცხადებული.
საგანგებო მდგომარეობაა გამოცხადებული სიმის კუნძულზეც. თურქეთის საზღვართან მდებარე კუნძულს ძლიერმა შტორმმა გადაუარა, რასაც ნაწილობრივი ნგრევა მოჰყვა. მსხვერპლის შესახებ ინფორმაცია არ ვრცელდება, ადგილობრივი მოსახლეობა ელექტროენერგიისა და კომუნიკაციების გარეშეა დარჩენილი.
![]()
ავტორი: ,
epn.ge (@expressnews.ge)
