ზამთრის სეზონზე კურორტი გომარდული ვიზიტორების მიღებას შეძლებს, მანამდე კი ადგილზე ინფრასტრუქტურული ღონისძიებების მოწესრიგება მიმდინარეობს.

სამუშაოებს სააქციო საზოგადოება ,,გომარდული“ აწარმოებს. მიმდინარე სამუშაოებით დაინტერესდა მუნიციპალიტეტის მერი ფრიდონ ფუტკარაძე, რომელმაც დღეს კურორტზე მიმდინარე სარეაბილიტაციო სამუშაოები დაათვალიერა.

ფრიდონ ფუტკარაძემ თავის მხრივ მხარდაჭერა გამოუცხადა სარეაბილიტაციო სამუშაოებზე დასაქმებულებს.

ამ დროისათვის კოტეჯებში გათბობის სისტემის, სველი წერტილების და შიდა მოსაპირკეთებელი სამუშაოები მიმდინარეობს. დღის ბოლომდე კურორტს წყლის პრობლემა მოუგვარდება, მოწესრიგებულია კურორტამდე მისასვლელი გზა.

სამთო-სათხილამურო კურორტი გომარდული ბათუმი-ახალციხის ტრასაზე, ბათუმიდან 90 კმ-ში, ზღვის დონიდან 1250 მ მდებარეობს. რამდენიმე წლის წინ აქ მოთხილამურეებისთვის 270-მ ბაგირგზა და 350 -მ სათხილამურო ტრასა აშენდა. გომარდულში 5 კოტეჯი, რესტორანი და ადგილობრივების საოჯახო სასტუმროებია. კურორტი ვიზიტორებისთვის საკმაოდ მიმზიდველია და გომარდულით, როგორც ქართველი, ისე უცხოელი ტურისტები არიან დაინტერესებულები. გომარდულის პოპულარულ კურორტად გადაქცევას ხელს შეუწყობს მაღალმთიანი აჭარის გაზიფიცირების პროექტიც, რომელზეც სამუშაოები აქტიურად მიმდინარეობს. კურორტზე ტურისტებს ეძლევათ საშუალება სათხილამურო აღჭურვილობის ქირაობის. კურორტი დამსვენებლებს სთავაზობს ასევე საოჯახო ტიპის სასტუმროებსაც, სადაც ადგილობრივები სტუმრებს ცნობილი აჭარული კერძებით უმასპინძლდებიან.

(NS)

ავტორი: ,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს