საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ ინვესტიციის მიმართულების წარმომადგენლები, პორტუგალიაში, ქ. ლისაბონში მიმდინარე მასშტაბურ კონფერენციას „Websummit 2017“ ესწრებიან.

ეკონომიკის სამინისტროს ინფორმაციით, ღონისძიებას, რომელიც 6-დან 9 ნოემბრის ჩათვლით იმართება, 160-ზე მეტი ქვეყნიდან 60 000-მდე მონაწილე ესწრება, რაც მნიშვნელოვანი ბიზნესკავშირების დამყარებას შეუწყობს ხელს.

გამოფენის პირველ დღეს, 6 ნოემბერს სააგენტოს „აწარმოე საქართველოში“ წარმომადგენლებმა მონაწილეობა მიიღეს „Websummit”-ის  ფარგლებში დაგეგმილ ღონისძიებაში „Ecosystem Summit”, რომლის პანელურ დისკუსიებზე მსჯელობა გაიმართა  ბიზნეს გარემოსა და ეკოსისტემასთან დაკავშირებულ გამოწვევებზე.

ღონისძიების  ფარგლებში, სააგენტოს „აწარმოე საქართველოში“ წარმომადგენლებს დაგეგმილი აქვთ მნიშვნელოვანი შეხვედრები IT  და ბიზნეს პროცესების აუთსორსინგის (BPO) სექტორში მოღვაწე კომპანიებთან.  კერძოდ კი ინვესტიციების მიმართულების წარმომადგენლები თითოეულ დაინტერესებულ პირს აცნობენ საქართველოს საინვესტიციო შესაძლებლობებს და იმ მექანიზმებს, რასაც სახელმწიფო სთავაზობს კერძო სექტორის წარმომადგენლებს.

შეგახსენებთ, რომ „აწარმოე საქართველოში ინვესტიციის“ მიმართულების მიზანია საქართველოში პირდაპირი უცხოური ინვესტიციების მოზიდვა, ხელშეწყობა და განვითარება.

(NS)

ავტორი: ,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა