„ჯანსუღ ჩარკვიანი მიეკუთვნებოდა იმ პოეტების პლეადას, რომლებმაც შექმნეს მთელი ეპოქა ჩვენს მწერლობაში“, - ამის შესახებ საქართველოს პრემიერ-მინისტრმა გიორგი კვირიკაშვილმა ჟურნალისტებს განუცხადა.

პრემიერი სამების ტაძარში ჯანსუღ ჩარკვიანის სამოქალაქო პანაშვიდზე მთავრობის წევრებთან ერთად მივიდა და ოჯახს მიუსამძიმრა.

 „გულდასაწყვეტია ასეთი ადამიანის, ასეთი პოეტის წასვლა ამ ქვეყნიდან. ჯანსუღ ჩარკვიანი მიეკუთვნებოდა იმ პოეტების პლეადას, რომლებმაც შექმნეს მთელი ეპოქა ჩვენს მწერლობაში, პოეზიაში და ნამდვილად, მისი სიტყვა ძალიან დიდხანს დარჩება ქართველი ერის ცნობიერებაში. დიდი გულისტკივილით ვუსამძიმრებ მის ოჯახს და მთლიანად ქართულ საზოგადოებას“, - განაცხადა პრემიერმა.

ცნობისთვის, სამების ტაძარში ჯანსუღ ჩარკვიანის სამოქალაქო პანაშვიდი მიმდინარეობს. მწერალს ტაძრიდან 14:00 საათზე გამოასვენებენ და მთაწმინდის პანთეონში დაკრძალავენ.

ავტორი: ,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა