აჭარის მთავრობის თავმჯდომარემ ზურაბ პატარაძემ ქალაქ ბათუმის მერთან, გიორგი ერმაკოვთან და აჭარის მთავრობის წევრებთან ერთად ნატო-ს სამხედრო საზღვაო ჯგუფში შემავალი გემების წარმომადგენლებთან შეხვედრა გამართა.

აჭარის მთავრობის პრესსამსახურის ინფორმაციით, გაცნობითი ხასიათის შეხვედრას ნატო-ს სამხედრო გემების ეკიპაჟის წევრებთან ერთად ნატო-ს მუდმივმოქმედი მეორე ნაღმსაწინააღმდეგო შენაერთი (SNMCMG2) კომანდერი, მეორე რანგის კაპიტანი - ჯასტინ ჰეინსი და ბულგარეთის რესპუბლიკის ელჩი საქართველოში - დესისლავა ივანოვა ესწრებოდნენ.

შეხვედრაზე საქართველოსა და ნატოს შორის არსებულ თანამშრომლობაზე ისაუბრეს, რომელიც წლებია აქტიურად მიმდინარეობს. მხარეებს შორის ვიზიტის ფარგლებში დაგეგმილი ერთობლივი  წვრთნების ჩატარების მნიშვნელობაზე გამახვილდა ყურადღება.

ზურაბ პატარაძემ სტუმრებს აჭარის ტურისტული და საინვესტიციო პოტენციალის შესახებ მიაწოდა ინფორმაცია. მისი თქმით, შავი ზღვის რეგიონში უსაფრთხოების შენარჩუნებისათვის უაღრესად მნიშვნელოვანია  NATO-ს გემების მონაწილეობით მსგავსი დონის „საპორტო ვიზიტები", რაც კიდევ უფრო შეუწყობს ხელს საქართველოსა და ალიანსს შორის არსებულ  მჭიდრო და პოზიტიურ პარტნიორულ ურთიერთობებს.

ნატო-ს სამხედრო ხომალდის კაპიტანმა ჯასტინ ჰეინსმა მადლობა გადაუხადა აჭარის მთავრობის თავმჯდომარეს ზურაბ პატარაძეს შეხვედრის ორგანიზებისათვის. როგორც ეკიპაჟის ხელმძღვანელმა აღნიშნა, ალიანსის წარმომადგენლებისათვის ყოველთვის განსაკუთრებული პატივია ისეთ პარტნიორ ქვეყანაში ვიზიტი, როგორიც საქართველოა.

ნატო-ს მუდმივმოქმედი მეორე ნაღმსაწინააღმდეგო შენაერთის (SNMCMG2) საქართველოს უკვე მესამედ სტუმრობს.  ისინი ბათუმის ნავსადგურში 6 ნოემბრამდე დარჩებიან.

(NS)

ავტორი: ,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს