გიორგი მარგველაშვილი: მე ვარ კონსტიტუციის გარანტი და არა მისი შემქმნელი

2017-11-01 16:01:06, 1796 ნახვა

კომენტარი

„მე ვარ კონსტიტუციის გარანტი და არა მისი შემქმნელი“, - ასე უპასუხა საქართველოს პრეზიდენტმა გიორგი მარგველაშვილმა კონსტიტუციაში ქორწინების დეფინიციის შესახებ ჩანაწერთან დაკავშირებით ჟურნალისტის შეკითხვას.

"ერთი წლის წინ იყო მცდელობა, რომ ქორწინების შესახებ კანონში, შესატანი ცვლილების თაობაზე, რეფერენდუმი ჩატარებულიყო. კონსტიტუციის თანახმად მე უნდა მიმეღო გადაწყვეტილება, გვსურს თუ არა ამ საკითხთან დაკავშირებით რეფერენდუმის ჩატარება. მაშინ ძალიან მკაფიოდ განვაცხადე, რომ რეფერენდუმს არ ჩავატარებთ და ეს საკითხი მთავარ პოლიტიკურ თემად არ უნდა განვიხილოთ. მე ვარ კონსტიტუციის გარანტი და არა მისი შემქმნელი", - განაცხადა მარგველაშვილმა.

მანვე დასძინა, რომ პარლამენტმა კონსტიტუციაზე დადებული ვეტოც დაძლია.

"რამდენიმე კვირის წინ კონსტიტუციას ვეტო დავადე, მაგრამ ის დაძლიეს", - აღნიშნა პრეზიდენტმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები