სააკაშვილმა პოროშენკოს ადმინისტრაციისგან უკრაინის მოქალაქეობის ჩამორთმევის შესახებ დოკუმენტი მიიღო

2017-10-25 17:55:11, 2622 ნახვა

მსოფლიო

საქართველოს მესამე პრეზიდენტი მიხეილ სააკაშვილის ინფორმაციით, მან უკრაინის მოქალაქეობის წართმევის შესახებ შესაბამისი დოკუმენტი პეტრო პოროშენკოს ადმინისტრაციისგან უკვე მიიღო, - ამის შესახებ 112.UA იუწყება.

როგორც სააკაშვილმა განმარტა, ვინაიდან მოქალაქეობის წართმევის შესახებ საბუთი ხელზე აქვს, ის პრეზიდენტის გადაწყვეტილების გასაჩივრებას აპირებს.

„დღეს თუ ხვალ სასამართლოში წავალ. როგორც იქნა ჩვენ მივიღეთ დოკუმენტი პრეზიდენტის ადმინისტრაციიდან ჩემი მოქალაქეობის საკითხზე. გავასაჩივრებთ ჩემი მოქალაქეობის ჩამორთმევას“, - განაცხადა მიხეილ სააკაშვილმა.

შეგახსენებთ, რომ მიმდინარე წლის 26 ივლისს უკრაინის პრეზიდენტმა პეტრო პოროშენკომ მიხეილ სააკაშვილის ქვეყნის მოქალაქეობა ჩამოართვა. ცნობისთვის, მანადე ეს მოქალაქეობა თვითონ პოროშენკომ 2015 წელს მიანიჭა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები