მედიის განვითარების ფონდის (MDF) და გაეროს ასოციაციის (UNAG) PITA-ს ახალგაზრდული 7 რეგიონული ცენტრის მიერ, 2017 წლის ადგილობრივი არჩევნების წინ ჩატარებული მედიამონიტორინგის შედეგების თანახმად, პოლიტიკური სუბიექტებიდან ყველაზე მეტი ანტიდასავლური კომენტარი და დისკრიმინაციული განცხადება „პატრიოტთა ალიანსმა“ (54) გააკეთა.

შემდეგ ადგილზე „გაერთიანებული დემოკრატიული მოძრაობაა“ (25). ორგანიზაციის ცნობით, ამ უკანასკნელი პარტიის მონაცემებში „თავისუფალი საქართველოს“ მონაცემებიც არის გაერთიანებული, ვინაიდან თბილისის მერობის არჩევნებში ეს 2 სუბიექტი ერთიანი საარჩევნო ბლოკის „დიმიტრი ლორთქიფანიძე კახა კუკავა-დემოკრატიული მოძრაობა  -თავისუფალი საქართველო” სახელით მონაწილეობს.

მესამე ადგილს მოძრაობა „ეროვნულები” (7) იკავებს, რომელიც „ქართველთა მარშთან” არის დაკავშირებული.

მმართველი პარტიის “ ქართული ოცნების” შემთხვევაში  5 დისკრიმინაციული   კომენტარი გაკეთდა, ლეიბორისტული პარტიის - 4, ერთიანი ნაციონალური მოძრაობის  - 1. სხვადასხვაში არიან გაერთიანებული ჩვენი სამშობლო  (3), ნეიტრალური სოციალისტური საქართველო  (2), ქართული დასი  (2), მემარცხენე ალიანსი (2).

მედიის განვითარების ფონდის ინფორმაციით, დაკვირვების საგანი იყო სიძულვილის ენა, ქსენოფობიური გამოხატვა და ანტიდასავლური განცხადებები, რომლებსაც პოლიტიკური სუბიექტები და მედია ავრცელებდნენ.

მათივე ცნობით, ადგილობრივი არჩევნების სპეციფიკის გათვალისწინებით, მონიტორინგის ფარგლებში შერჩეული ეროვნული დაფარვის ტელევიზიების, გაზეთების, ასევე ონლაინ გამოცემების გარდა, დაკვრივება ადგილობრივ მედია საშუალებებზე და რეგიონული პოლიტიკური სუბიექტების ფეისბუკ გვერდებზეც მოხდა.

მონიტორინგი საქართველოს გაეროს ასოციაციასთან (UNAG) პარტნიორობით, აშშ-ს საერთაშორისო განვითარების სააგენტოს (USAID) პროგრამის „ტოლერანტობის, სამოქალაქო ცნობიერებისა და ინტეგრაციის მხარდაჭერა" ფარგლებში განხორციელდა.

ავტორი: ,

სოციალური ქსელები

მარნეულში ავარიას მოტოციკლის მძღოლი ემსხვერპლა

ხოშტარია: დაწყებულია ტკივილის მართვა, რამაც დიდი შვება მომცა, ბევრად უკეთ ვგრძნობ თავს

პროკურატურამ ფორმულას მიმართ აღძრულ საქმეზე გამოკითხვაზე ოპერატორი მიშო მარტაშვილი დაიბარა

პოეტი ტარიელ ჭანტურია გარდაიცვალა