„იმედი მაქვს, რომ სადგური "უნივერსიტეტი" გახდება მაგალითი იმისა, თუ როგორ არის შესაძლებელი ურბანული ტრანსპორტის განვითარება“, - ამის შესახებ პრემიერ-მინისტრმა გიორგი კვირიკაშვილმა მეტროსადგურ "სახელმწიფო უნივერსიტეტის" გახსნაზე, სიტყვით გამოსვლისას განაცხადა.

მისი თქმით, მეტროსადგურის მშენებლობის პროცესში 2000-ზე მეტი ადამიანი იყო დასაქმებული.

პრემიერმა მეტროსადგურის მშენებლობის პროცესში ჩართულ ყველა პირს, განსაკუთრებით კი, ინჟინრებსა და მშენებლებს, მადლობა გადაუხადა.

„ამ პროექტში მნიშვნელოვანი ინვესტიცია განხორციელდა 84 მილიონი ლარის სახით და მადლობა აზიის განვითარების ბანკს. ძალიან მნიშვნელოვანია, რომ ეს მეტროსადგური მთლიანად არის აღჭურვილი თანამედროვე უსაფრთხოების სისტემებით. აქ სრულად არის დაცული უახლესი თანამედროვე სტანდარტები. დღეისთვის, თბილისის მეტროთი ყოველდღიურად მგზავრობს 350-400 ათასი ადამიანი. ამ სადგურის ამუშავება დღეში დამატებით 15 ათას ადამიანს გაუადვილებს დანიშნულების ადგილამდე მისვლას. იმედი მაქვს, რომ სადგური "უნივერსიტეტი" გახდება მაგალითი იმისა, თუ როგორ არის შესაძლებელი ურბანული ტრანსპორტის განვითარება", - განაცხადა კვირიკაშვილმა.

მისივე თქმით, ხელისუფლებას თბილისთან მიმართებაში გაცილებით უფრო მასშტაბური გეგმები აქვს. პრემიერი დარწმუნებულია, რომ ყველა ის გეგმა, რაც ხელისუფლებას აქვს, სრულად განხორციელდება.

"მთლიანად ქვეყნაში ძალიან დიდი მასშტაბის ზრდაა დაგეგმილი, ინფრასტრუქტურულ პროექტებთან მიმართებაში. მიმდინარე წელს 36%-იანი ზრდა გვაქვს ინფრასტრუქტურის პროექტებზე", - განაცხადა პრემიერმა და დასძინა, რომ 2018 წელს ერთდროულად ძალიან ბევრი პროექტის განხორციელება დაიწყება.

"2018 წლის მეორე კვარტლიდან ერთდროულად დაიქოქება ძალიან ბევრი პროდუქტი, რომელიც სერიოზულ დინამიკას მოუტანს როგორც თბილისს, ასევე მთელ ქვეყანას. დარწმუნებული ვარ, რომ მომავალი წელი იქნება ძალიან მზარდი დინამიკის და სერიოზული განვითარების წელი", - განაცხადა გიორგი კვირიკაშვილმა.

ავტორი: ,

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება