35 წლის მარკ სალინგმა არასრულწლოვნების მონაწილეობით პორნოგრაფიის შენახვაში თავი დამნაშავედ სცნო, რის შემდეგაც კალიფორნიის სასამართლომ მსახიობს აღკვეთის ღონისძიების სახით 4-დან 7 წლამდე ვადით პატიმრობა მიუსაჯა.

გათავისუფლების შემდეგ სალინგი პოლიციის მეთვალყურეობის ქვეშ 20 წლის განმავლობაში დარჩება. აგრეთვე მას მომავალში არასრულწლოვნებთან მიახლოვება, ლაპარაკი და სხვა სახის კომუნიკაცია მესამე პირის ზედამხედველობის გარეშე აეკრძალება. მსახიობს აგრეთვე  სკოლების ეზოებში შესვლა და მათთან 30 მეტრის რადიუსში ყოფნა, პარკებში სეირნობა, საერთო მოხმარების ბასეინებში და სათამაშო მოედნებზე სიარული აეკრძალება.  ამ ყველა აკრძალვას არასრულწლოვნების მიმართ ჩადენილი დანაშაულის იძულებითი ფსიქოლოგიური მკურნალობაც დაემატება.

შეგახსენებთ, რომ მსახიობი არასრულწლოვნების მონაწილეობით პორნოგრაფიის შენახვის ბრალდებით  2015 წლის დეკემბერში საკუთარ სახლში კალიფორნიის შტატში პოლიციის მიერ იქნა დაკავებული. გამომძიებლებმა სალინგის პერსონალურ კომპიუტერში არასრულწლოვნების მონაწილეობით 50 000 სექსუალური შინაარსის შემცველი ფოტოსურათი აღმოაჩინეს.

ავტორი: ,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება