“National Geographic Traveler”-ის ჟურნალისტებმა აჭარაში იმოგზაურეს. ოქტომბრის ბოლომდე კი რეგიონის ტურისტული პოტენციალის შესახებ მომზადებული სტატია, ფოტო და ვიდეო რეპორტაჟი ჟურნალის პოლონურ გამოცემაში გამოქვეყნდება. სტუმრები რეგიონს აჭარის ტურიზმის დეპარტამენტის მიერ ორგანიზებული პრესტურის ფარგლებში სტუმრობდნენ. 

რეგიონში მოგზაურობა ჟურნალისტებმა ბათუმიდან დაიწყეს და კურურტ „გოდერძი“-ზე დაასრულეს. მათ ობიექტივში მოხვდა მთიანი აჭარის ყველა მნიშვნელოვანი ტურისტული პროდუქტები, მათ შორის ქედის ღვინის გზა და მასზე არსებული ღვინის მარნები, ვენახები და თაღოვანი ხიდები. კურორტი „გოდერძი“ და მწვანე ტბის ტურისტული მარშრუტი ჟურნალისტებისთვის განსაკუთრებით საინტერესო აღმოჩნდა. მთიან აჭარაში მოგზაურობისას პრესტურის მონაწილეებს საშუალება ჰქონდათ ადგილობრივი კერძებიც დაეგემოვნებინათ და ფოლკლორს გაცნობოდნენ. 

„National Geographic Traveler”-ის ჟურნალისტებმა ბათუმის ძირითადი ტურისტული ღირსშესანიშნაობებიც გადაიღეს და დაესწრნენ სოფლის ტურიზმის ფესტივალს „განდაგანა“, რომლის ფარგლებშიც ევროპის მოედანზე აჭარული სოფელი იყო წარმოდგენილი. 

აჭარის ტურიზმის დეპარტამენტმა, რეგიონის პოპულარიზაციისა და დადებითი იმიჯის ჩამოსაყალიბებლად, წელს 20-მდე პრესტურს გაუწია ორგანიზება,  რომლის შედეგად რეგიონს 170-ზე მეტი ჟურნალისტი სტუმრობდა. 

(NS)

ავტორი: ,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს