დანიის პოლიციამ მოკლული შვედი ჟურნალისტის, კიმ უოლის სხეულის ნაწილები იპოვა, - ამის შესახებ The Guardian იუწყება.

მედია საშუალების ინფორმაციით, მყვინთავებმა იპოვეს ჩანთები, რომლებშიც რეპორტიორის სხეულის ნაწილები და ტანსაცმელია მოთავსებული. მათ შორის ნაპოვნია ქალის თავიც.

მედიის ცნობით, რამდენიმე დღის წინ დანიელ გამომგონებელს პეტერ მედსენს, რომელსაც ჟურნალისტის მკვლელობაში სდებენ ბრალს, ვიდეო აღმოუჩინეს, სადაც ჩანს, თუ როგორ კლავდა ქალს.

შეგახსენებთ, რომ 10 აგვისტოს, საღამოს, დანიის დედაქალაქში, უოლი მედსენის მიერ შექმნილ წყალქვეშა  ნავზე "ნაუტილუსზე" ავიდა, რომლის ჩაძირვის შემდეგაც, მხოლოდ გამომგონებლის გადარჩენა მოხერხდა. ხოლო ჟურნალისტის ცხედარი ვერ იპოვეს. რამდენიმე დღის შემდეგ გაჩნდა ვერსია, რომ ნავი თავად მედსენმა ჩაძირა, რათა მკვლელობის კვალი გაექრო. მოგვიანებით, თავმოჭრილი უოლის სხეული ნაპირზე აღმოაჩინეს. გამომგონებელი ამ დრომდე აცხადებს, რომ ჟურნალისტის მკვლელობასთან კავშირი არ აქვს.

ავტორი: ,

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა