„ევროპული საქართველო“ ხვალ, 1 ოქტომბერს, პუშკინის სკვერში საპროტესტო აქციას გამართავს.

ამის შესახებ პარტიის თბილისის მერობის კანდიდატმა ელენე ხოშტარიამ თაბორის მთაზე გამართულ ბრიფინგზე განაცხადა.

"ჩვენ ვიმყოფებით თაბორის მთაზე, რომელიც ეკუთვნის თითოეულ თბილისელს. დღეს ეს ადგილი გვეკუთვნის ჩვენ, მაგრამ იმიტომ, რომ ბიძინა ივანიშვილს მოუნდა თავის ეზო გაიფართოვოს, საკრებულომ მისი და კახა კალაძის მორჩილებით, დაუშვა ის, რომ აქ დაიწყოს მშენებლობები და ძალიან მალე სიმბოლურ ფასად აპირებენ ივანიშვილისთვის გადაცემას. ქალაქის შუაგულში ბიძინა ივანიშვილმა გადაწყვიტა, რომ თავისი სასტუმროსთვის 1900 კვადრატულ მეტრზე პარკინგი მოაწყოს და მოითხოვა, ეს ტერიტორია 1 ლარად გადასცეს ქალაქმა. არ გვაქვს უფლება ამას შევეგუოთ. "ევროპული საქართველო" მოუწოდებს ყველას, ხვალ, 18:00 საათზე შევიკრიბოთ პუშკინის სკვერში და გავაპროტესტოთ ეს უკანონობა“, - განაცხადა ელენე ხოშტარიამ.

შეგახსენებთ, დედაქალაქის საკრებულომ  გუშინდელ სხდომაზე პუშკინის სკვერთან მიწის ნაკვეთსა და თაბორის მთაზე 5 000 კვადრატული მეტრი ფართობის ტერიტორიისთვის ზონალურ ცვლილებას მხარი დაუჭირა.

ავტორი: ,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.