თბილისის საკრებულოს სხდომა განახლდა.

დარბაზში 29 დეპუტატი იმყოფება.

სხდომის დასაწყისში საკრებულოს თავმჯდომარე გიორგი ალიბეგაშვილმა მოკლე განცხადება გააკეთა. როგორც მან აღნიშნა, „სამწუხაროა, რომ ვინც კანონს უნდა იცავდნენ, სწორედ ისინი არღვევენ კანონს“.

დღევანდელ დაპირისპირებას საკრებულოს განათლების კომისიის თავმჯდომარეე თამარ ტალიაშვილიც გამოეხმაურა.

„ეს იყო დადგმული, კარგად მომზადებული სცენარი, რომელიც მიზნად ისახავდა, გაპიარებულიყო „ნაცმოძრაობა“ დ „ნეო ნაცმოძრაობა“. ეს იყო მიზანი, მაგრამ შედეგად მივიღეთ ძალიან დადებითი რამ, იმ ინიციატივებთან დაკავშირებით, რომელზეც დღეს იქნება მსჯელობა. ის რომ თბილისში მართლა იგეგმება პარკინგის მოწყობა ქალაქის ცენტრალურ ნაწილში, პუშკინის სკვერთან, დადებით გარემოებაა, რომელსაც დიდი ხანია ელოდება თბილისის მოსახლეობა“, - აღნიშნა ტალიაშვილმა.

შეგახსენებთ, სხდომა თითქმის ორი საათი განმავლობაში ვერ იწყებოდა. „ევროპული საქართველოს“ და „ნაციონალური მოძრაობის“ თბილისის მერობის კანდიდატები და მათი მხარდამჭერები სხდომაზე განსახილველ ერთ-ერთ საკითხს აპროტესტებდნენ. კერძოდ, დღევანდელ სხდომაზე ბიძინა ივანიშვილის მფლობელობაში არსებული კომპანიისთვის პუშკინის სკვერის მიმდებარედ 1 900 კვ. მეტრი მიწის ნაკვეთის გადაცემის საკითხის განხილვაა დაგეგმილი. კომპანია ითხოვს, რომ მიწი ნაკვეთი ერთ ლარად გადაეცეს და სანაცვლოდ ადგილზე 1 მილიონი ლარის ინვესტიციას განახორციელებს, ასევე მოაწყობს რამდენიმე დონიან მიწისქვეშა პარკინგს. 

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”