2017-09-19 19:43:30, 2352 ნახვა
პოლიტიკა
საგარეო: რუსეთთან აფელირებული პირების მხრიდან საერთაშორისო ფორმატებში საოკუპაციო რეჟიმების პროპაგანდა ვერ მოხდება
რუსეთთან აფელირებული კერძო პირების მხრიდან საერთაშორისო ფორმატებში საოკუპაციო რეჟიმების პროპაგანდა ვერ მოხდება, - ასე გამოეხმაურა საქართველოს საგარეო საქმეთა სამინისტრო ევროპარლამენტის ყოფილი დეპუტატის ჯულიეტო კიეზას განცხადებას, რომელმაც აღნიშნა, რომ ოკუპირებული სამხრეთ ოსეთის დე-ფაქტო პრეზიდენტის ევროპარლამენტში გამოსვლის ორგანიზებას გეგმავს.
როგორც საქართველოს საგარეო უწყებაში განაცხადეს, ევროპარლამენტი და მისი დეპუტატები მტკიცედ უჭერენ მხარს საქართველოს ტერიტორიულ მთლიანობასა და სუვერენიტეტს.
„დარწმუნებული ვართ, რუსეთთან აფელირებული კერძო პირები ვერ მოახდენენ საერთაშორისო ორგანიზაციების პლატფორმის გამოყენებას თავიანთი ვიწრო პოლიტიკური მიზნებისთვის და მათი მხრიდან ასეთ ფორმატებში ვერ მოხდება საოკუპაციო რეჟიმების პროპაგანდა“, - ნათქვამია საგარეო უწყების განცხადებაში.
![]()
ავტორი: ,
epn.ge (@expressnews.ge)
