2015-04-28 18:18:47, 914 ნახვა

---

გვენეტაძე: კანონით დამკვიდრებულია, რომ მოსამართლეები 3 წლიანი გამოსაცდელი ვადით გამწესდებიან, ეს პოზიცია ვერ შეიცვლება

"კანონით დამკვიდრებულია, რომ მოსამართლეები 3 წლიანი გამოსაცდელი ვადით გამწესდებიან, ეს პოზიცია ვერ შეიცვლება",-ამის შესახებ უზენაესი სასამართლოს თავმჯდომარე ნინო გვენეტაძემ ჟურნალისტებს განუცხადა. 

მედიის წარმომადგენელი მოსამართლეთა 3 წლიანი გამოსაცდელი ვადით დანიშვნის წესთან დაკავშირებით, უზენაესი სასამართლოს ახალი თავმჯდომარის პოზიციით დაინტერესდა. 

"ეს პოზიცია ვერ შეიცვლება, ეს კანონით დამკვიდრებული პოზიცია არის, რომ მოსამართლეები გამწესდებიან 3 წლიანი გამოსაცდელი ვადით და ამ გამოსაცდელი ვადის წარმატებით გავლის შემთხვევაში, ისინი უვადოდ გამწესდებიან პოზიციაზ.მე, როგორც უზენაესი სასამართლოს თავმჯდომარეს, მევალება დავიცვა კანონი. ამ საკანონმდებლო პაკეტში დახვეწილია უფრო ის დებულებები, რომლებიც 3 წლიან გამოსაცდელ ვადაში მოსამართლის შემოწმება  მის კეთილსინდისიერებასა და კვალიფიკაციის საკითხებს დაუკავშირდება და ვფიქრობ, აქაც რაიმე პრობლემა ახლად დანიშნულ მოსამართლეებს არ შეექმნებათ",-აღნიშნა ნინო გვენეტაძემ.

ეს განცხადება უზენაესი სასამართლოს თავმჯდომარემ პრემიერ-მინისტრ ირაკლი ღარიბაშვილთან შეხვედრის შემდეგ გააკეთა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი