ფუტკრის დაცვის საერთაშორისო დღე მსოფლიოში 2008 წლიდან აღინიშნება და მისი მიზანი ფუტკრის მასობრივ გაუჩინარებაზე საზოგადოების ყურადღების მიპყრობაა.

სოფლის მეურნეობის სამინისტროს ინფორმაციით, საგარეჯოში ფუტკრის დაცვის საერთაშორისო დღის აღნიშვნის ღონისძიებაში სოფლის მეურნეობის სამინისტროს სამეცნიერო-კვლევითი ცენტრი ჩაერთო.

უწყების ცნობით, დღეისათვის მსოფლიოში ფუტკრის პოპულაციების 20-დან 80%-მდე გაუჩინარებულია.

ღონისძიების ფარგლებში, სოფლის მეურნეობის სამეცნიერო-კვლევითი ცენტრის სპეციალისტები საგარეჯოს რაიონის მეფუტკრეებს შეხვდნენ და ადგილობრივებს ფუტკრის დაავადებების საწინააღმდეგო პრევენციული ღონისძიებების, საშემედგომო სამუშაოებისა და ფუტკრის საკვები ბაზის შესახებ ინფორმაცია მიაწოდეს.

სპეციალისტებმა  მეურნეობებიც დაათვალერეს და ფერმერებს კონსულტაციები გაუწიეს.

მეფუტკრე ფერმერებმა ინფორმაცია საფუტკრის მოწყობის, ფუტკრის დაავადებების და მათ წინააღმდეგ ბრძოლის ღონისძიებების, ასევე მეფუტკრეობაში არსებული თანამედროვე სტადარტების შესახებ მიიღეს.

აღსანიშნავია, რომ მას შემდეგ, რაც ქართული თაფლისთვის ევროპის ბაზარი გაიხსნა, ფერმერების მხრიდან მეფუტკრეობის და თაფლის წარმოების მიმართ ინტერესი მნიშვნელოვნად გაიზარდა.

საქართველოში ამ დროისთვის 40-50 ათასი მეფუტკრეა. მეფუტკრეობის მიმართულებით ყველაზე განვითარებული რეგიონებია აჭარა, იმერეთი, სამეგრელო, კახეთი, სამცხე-ჯავახეთი. საქართველოში მეფუტკრეობა სოფლის მეურნეობის ეკონომიკურად ეფექტიანი დარგია და მას  მზარდი საექსპორტო პოტენციალი აქვს. 

(NS) 

ავტორი: ,

სოციალური ქსელები

დამასკოში, ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა

თიბისი IT აკადემია ბლოკჩეინის ტექნოლოგიების შესწავლის ახალ შესაძლებლობას ქმნის