ასაფეთქებელი მოწყობილობის არსებობის საფრთხის გამო, რიგის აეროპორტმა თბილისიდან რეისი ვერ მიიღო

2015-04-27 13:35:34, 1456 ნახვა

მსოფლიო

რიგის საერთაშორისო აეროპორტში დღეს დილით ასაფეთქებელი მოწყობილობის არსებობის საფრთხის გამო თბილისიდან რიგის მიმართულებით რეისი სხვა აეროპორტში გადაამისამართეს.

ინციდენტის გამო რეისები უახლოეს აეროპორტებში შესრულდა ნიუ-იორკიდან, ტალინიდან, მალტადან, ჰელსინკიდან და კიდევ რამდენიმე ქალაქიდან.

"ლიგა.ნეტის“ ინფორმაციით, ასაფეთქებელი მოწყობილობის არსებობის შესახებ შეტყობინება ადგილობრივი დროით დაახლოებით 7:00 საათზე მიიღეს, რის შემდეგაც მგზავრების და თანამშრომლების ევაკუაცია განხორციელდა.

ამ დროისათვის აეროპოტში ტერმინალების შემოწმება ხდება. მომხდართან დაკავშირებით დაწყებულია გამოძიება. რიგის აეროპორტი ლატვიის დედაქალაქიდან 13 კილომეტრში მდებარეობს და ბალტიისპირეთში მგზავრთა გადაყვანის მოცულობით ყველაზე დიდი აეროპორტია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან