ამერიკის შეერთებული შტატების პრეზიდენტმა დონალდ ტრამპმა ჩრდილოეთ კორეა კიდევ ერთხელ გააფრთხილა, - ამის შესახებ CNN იუწყება.

რესპუბლიკელმა პრეზიდენტმა განაცხადა, რომ ჩრდილოეთ კორეის ლიდერი კიმ ჩენ ინი "ძალიან ინანებს, თუ აშშ-ის ან მისი პარტნიორების ტერიტორიაზე მტრულ ქმედებებს განახორციელებს".

„იმედი მაქვს, ჩრდილოეთ კორეა კარგად ხვდება ჩემი სიტყვების სიმძაფრეს. ვმუშაობთ ახალ სანქციებზე ფხენიანის წინააღმდეგ. მე ყოველთვის ზუსტად იმას ვგულისხმობ, რასაც ვამბობ“, - აღნიშნა ტრამპმა.

აღსანიშნავია, რომ დონალდ ტრამპმა ჩრდილოეთ კორეას ბოლო რამდენიმე დღის განმავლობაში აფრთხილებს, მტრული ნაბიჯებისგან თავი შეიკავოს. მანამდე ტრამპმა აღნიშნა, რომ იმ შემთხვევაში თუ კუნძულ გუამიზე თავდასხმა განხორციელდება, ჩრდილოეთ კორეას ნერვიულობა მოუწევს და ისეთი მოვლენები განვითარდება, როგორიც ჯერ არავის უნახავს.

ტრამპის თქმით, კიმ ჩენ ინი აშშ-ის მიმართ არასათანადოდ იქცევა. გარდა ამისა, აშშ-ის პრეზიდენტმა ჩინეთს თანამშრომლობისთვის უხმო და ძალების გაერთიანება დაიწყო.

ცნობისთვის, ჩრდილოეთ კორეა წყნარ ოკეანეში, კუნძულ გუამიზე განთავსებულ ამერიკის შეერთებული შტატების სამხედრო ბაზებს სარაკეტო დარტყმებით ემუქრება. მას შემუშავებული აქვს შესაბამისი გეგმა, რომელიც სავარაუდოდ აგვისტოს ბოლოს ამოქმედდება. ამასთან, ჩრდილოეთ კორეა ტრამპის განცხადებებს "სისულელეს" უწოდებს და აცხადებს, რომ საკუთარ გეგმას მიჰყვება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს