11 აგვისტოს სამხედრო მედიცინის დღე აღინიშნება.

თავდაცვის სამინისტროს ინფორმაციით, ამ დღესთან დაკავშირებით, სენაკში, II ქვეითი ბრიგადის ტერიტორიაზე საჩვენებელი სწავლება გაიმართა.

უწყების ცნობით, წვრთნაში მონაწილეობა დასავლეთ სარდლობის ქვედანაყოფების სამედიცინო სტრუქტურების წარმომადგენლებმა მიიღეს.

გეგმიურ საველე სწავლებას სახმელეთო ჯარების დასავლეთ სარდალი, პოლკოვნიკი გიორგი მათიაშვილი დაესწრო. მან სამხედრო ექიმებს პროფესიული დღესასწაული მიულოცა, მადლობა გადაუხადა და წარმატებები უსურვა.

საქართველოს შეიარაღებული ძალების სახმელეთო ჯარების დასავლეთ სარდლობის ეგიდით საველე სამედიცინო სწავლება 7 აგვისტოს დაიწყო და დღეს დასრულდა. სწავლების მიზანს სხვადასხვა ქვედანაყოფის სამედიცინო სტრუქტურების საბრძოლო მზადყოფნის დონის ამაღლება და სამედიცინო ევაკუაციის მეთოდების დაუფლება წარმოადგენდა.

სახმელეთო ჯარების დასავლეთ სარდალმა სწავლების მიმდინარეობისა და სპეციფიკის შესახებ სპეციალურ ბრიფინგზე დეტალური ინფორმაციაც მოისმინა. პოლკოვნიკმა გიორგი მათიაშვილმა წვრთნები დადებითად შეაფასა და მსგავსი სწავლებების მნიშვნელობაზე ისაუბრა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამარაში უკრაინელებმა დააზიანეს ცენტრი რომელიც „სოიუზის“ რაკეტების მიკროელექტრონული კომპონენტებს აწყობს

რუსეთში ბენზინის დეფიციტი საწვავის კრიზისის პიკს უბრუნდება

პირადი ცხოვრების ამსახველი ფოტოები უკანონოდ მოიპოვა და გაავრცელა- კახეთში 1 პირი დააკავეს

რუსეთის იუსტიციის სამინისტრომ არაკომერციული ორგანიზაცია „ბათუმის რუსები“ არასასურველად გამოაცხადა