უკრაინის გენერალური პროკურორის მოადგილის ევგენი ენინის ინფორმაციით, საქართველოს ყოფილი პრეზიდენტი მიხეილ სააკაშვილი უკრაინაში ჩასვლას მხოლოდ  ვიზის აღების შემთხვევაში შეძლებს.

როგორც ენინი Facebook-ის საკუთარ გვერდზე წერს, პირებს საზღვრის უკანონო გადაკვეთის ხელშეწყობისთვის  სისხლის სამართლის პასუხისმგებლობა ემუქრებათ.

"სააკაშვილის (მოქალაქეობის არმქონე პირის, თუ არ დადასტურდება ინფორმაცია  მესამე ქვეყნების პასპორტის არსებობის შესახებ) შეშვება უკრაინაში შესაძლებელია მხოლოდ ვიზის გაფორმების შემდეგ. ნებისმიერი პერფორმანსები აქტივისტების გარემოცვაში და საზღვრის არალეგალური გადაკვეთა იძლევა 100%-იან სამართლებრივ საფუძველს ადმინისტრაციული პასუხისმგებლობისთვის, ხოლო პირებს, რომლებიც ხელს უწყობენ საზღვრის უკანონო გადაკვეთას, სისხლის სამართლის პასუხისმგებლობა ემუქრებათ (და არ თქვათ მერე, რომ არ იყავით გაფრთხილებული). სააკაშვილისთვის უკრაინის მოქალაქეობის მინიჭების დროს დაშვებული დარღვევების გამო პასუხი უნდა აგონ შესაბამისმა მაღალჩინოსნებმა, თუმცა თავის შეცდომაზე პასუხი უნდა აგოს მოქალაქე სააკაშვილმაც, რომელმაც ჯვარი დასვა გრაფაში - უცხო ქვეყანაში სამართლებრივი დევნა და გამოძიება ჩემს წინააღმდეგ არ მიმდინარეობს“, - განმარტა ენინმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს