საქართველოს პარლამენტის თავმჯდომარე ირაკლი კობახიძე ამერიკის სახელმწიფო დეპარტამენტის განცხადებას გამოეხმაურა.

როგორც კობახიძემ ჟურნალისტებთან საუბარში აღნიშნა, განცხადება, რომელიც დეპარტამენტის მხრიდან გაკეთდა, საქართველოს მიმართ აშშ-ის ძალიან მყარი მხარდაჭერის დემონსტრირებაა.

„ჩვენთვის ძალიან მნიშვნელოვანია ჩვენი ამერიკელი პარტნიორების და მეგობრები მყარი მხარდაჭერა. ის განცხადებაც არის ბუნებრივია ამერიკის ძალიან მყარი მხარდაჭერის დემონსტრირება საქართველოს მიმართ, ჩვენი სუვერენიტეტის და ტერიტორიული მთლიანობის მიმართ“, - აღნიშნა კობახიძემ.

ამასთან, პარლამენტის თავმჯდომარე გენერალ ხრულოვის განცხადებას გამოეხმაურა, რომლის თანახმადაც, ოფიციალური მოსკოვი 9 წლის წინ მზად იყო თბილისის ასაღებად.

ჟურნალისტის კითხვაზე არის თუ არა ეს იმის აღიარება, რომ კრემლი საქართველოზე პირდაპირ შეტევას აპირებდა, კობახიძემ აღნიშნა, რომ პარტნიორების და მეგობრების მხარდაჭერის შედეგია, რომ საქართველომ უფრო მძიმე შედეგები არ მიიღო.

„ჩვენთვის ძალიან მნიშვნელოვანი იყო ის მხარდაჭერა, რომელიც საქართველოს ჰქონდა დასავლელი პარტნიორების მხრიდან და სწორედ ამ მხარდაჭერის შედეგი იყო ის რომ პროცესები ისეთი სახით დამთავრდა, როგორც დამთავრდა. ჩვენ არ მივიღეთ უფრო მძიმე შედეგები. ეს იყო ჩვენი დასავლელი პარტნიორების და მეგობრების მხარდაჭერის შედეგი“, - განაცხადა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს