რუსეთის პრეზიდენტი ვლადიმერ პუტინი ოკუპირებულ აფხაზეთში ჩავიდა, - ამის შესახებ eadaily.com იუწყება.

მედია საშუალების ინფორმაციით, ვლადიმერ პუტინის და დე-ფაქტო პრეზიდენტის რაულ ხაჯიმბას შეხვედრა ბიჭვინთაში გაიმართება. ამასთან, შეხვედრა დახურულ კარს მიღმა ჩატარდება.

როგორც მედია წერს, შეხვედრის შემდეგ ვლადიმერ პუტინი და რაულ ხაჯიმბა ერთობლივ პრესკონფერენციას გამართავენ.

ამასთან, როგორც "სპუტნიკ-აბხაზია" იტყობინება, რუსეთის ოფიციალური პირების ვიზიტის ფარგლებში ოკუპირებულ აფხაზეთსა და რუსეთს შორის ჯანდაცვის შესახებ ე.წ. ხელშეკრულება გაფორმდება, რის ფარგლებშიც ოკუპირებულ რეგიონში მუდმივად მცხოვრები რუსეთის მოქალაქეები დახმარებას რუსეთის ფედერაციის მხრიდან მიიღებენ.

ცნობისთვის, ეს ოკუპირებულ რეგიონში ვლადიმერ პუტინის რიგით მეოთხე ვიზიტია. მანამდე რუსეთის პრეზიდენტი ოკუპირებულ აფხაზეთს 2009, 2011 და 2013 წლებში სტუმრობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.