საქართველოს ყოფილმა პრეზიდენტმა, ოდესის ოლქის ექს-გუბერნატორმა მიხეილ სააკაშვილმა ლიტვის პასპორტის მიღებაზე უარი თქვა, - ამის შესახებ უკრაინული მედია იუწყება.

მედია საშუალების ინფორმაციით, მიხეილ სააკაშვილი ამჟამად ლიტვაში იმყოფება, სადაც მან განცხადება გააკეთა.

როგორც სააკაშვილმა ვილნიუსში განაცხადა, ის ლიტვის მოქალაქეობის მიღებაზე უარს ამბობს, რადგან "უკრაინელების გვერდში უნდა იდგეს და მისი მხრიდან მსგავსი გადაწყვეტილება მათ იმედს გაუცრუებს".

ამასთან, ყოფილმა პრეზიდენტმა ლიტველ პოლიტიკოსებს შესაბამისი შეთავაზებისთვის მადლობა გადაუხადა.

"მე უნდა დავიბრუნო უკრაინის მოქალაქეობა. ის უკანონოდ წამართვეს. ბევრი უკრაინელი შეშფოთებული იქნებოდა და თავს მიტოვებულად იგრძნობდა, მე რომ მათზე უარი მეთქვა და ბრძოლა შემეწყვიტა", - განმარტა სააკაშვილმა.

გარდა ამისა, ექს-გუბერნატორმა დასძინა, რომ მას უკრაინის ლეგალური პასპორტი აქვს და შეუძლია ევროპის ქვეყნებში იმოგზაუროს, პარალელურად კი, სააკაშვილის თქმით, ის უკრაინის მოქალაქეობას დაიბრუნებს და "ბოლომდე იბრძოლებს".

შეგახსენებთ, მიხეილ სააკაშვილს უკრაინის პრეზიდენტმა პეტრო პოროშენკომ მოქალაქეობა 26 ივლისს ჩამოართვა. იმ დროისთვის სააკაშვილი აშშ-ში იმყოფებოდა. მიუხედავად იმისა, რომ იგი ოფიციალურად არცერთი ქვეყნის მოქალაქე აღარ არის, რამდენიმე დღის წინ, აშშ-დან პოლონეთში ჩავიდა და აღნიშნა, რომ ქვეყანაში შესვლისას არავითარი პრობლემა არ შექმნია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო