„ღრმად მწამს, რომ უკრაინის პრეზიდენტის ვიზიტი საქართველოში და საქართველოს ყოფილი პრეზიდენტისთვის უკრაინის მოქალაქეობის ჩამორთმევა, ერთმანეთისგან დამოუკიდებელი პროცესებია",- ასე უპასუხა ჯანდაცვის მინისტრმა დავით სერგეენკომ ჟურნალისტის კითხვას - „უკავშირდება თუ არა პეტრო პოროშენკოს ვიზიტს მიხეილ სააკაშვილისთვის უკრაინის მოქალაქეობის ჩამორთმევა“.

მინისტრის თქმით, აღნიშნული პროცესები დროის მცირე ინტერვალში მოხდა და უბრალოდ დამთხვევაა.

"მე ღრმად მწამს რომ ეს ორი პროცესი, უკრაინის პრეზიდენტის ვიზიტი საქართველოში და საქართველოს ყოფილი პრეზიდენტისთვის უკრაინის  მოქალაქეობის  ჩამორთმევა, დამოუკიდებელი პროცესებია და არ არის ერთმანეთთან კავშირში. თუ ეს დროის მცირე ინტერვალში მოხდა, მჯერა რომ დამთხვევაა. საკუთრივ ექსტრადირების საკითხი, ეს არ არის პოლიტიკური თემა. მიუხედავად ამისა, ბევრი ცდილობს რომ პოლიტიკური სარჩული შესძინოს. ეს არის იურიდიული საკითხი და მჯერა რომ იურისტები შესანიშნავად გაერკვევიან",- აღნიშნა სერგეენკომ.

შეგახსენებთ, უკრაინის პრეზიდენტმა პეტრო პოროშენკომ საქართველოს ყოფილ პრეზიდენტს, ოდესის ოლქის ყოფილ გუბერნატორს მიხეილ სააკაშვილის უკრაინის მოქალაქეობა ჩამოართვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს