პოლიტოლოგ სოსო ცინცაძის შეფასებით, უკრაინის პრეზიდენტ პეტრო პოროშენკოს საქართველოში ვიზიტამდე გადაწყვეტილი ჰქონდა, მიხეილ სააკაშვილისგან "გათავისუფლებულიყო“.

როგორც ცინცაძემ „ექსპრესნიუსს“ განუცხადა, სხვა შემთხვევაში ის საქართველოში არ ჩამოვიდოდა, რადგან კარგად იცოდა, რომ პოლიტიკურ შეხვედრებზე არაოფიციალური საუბრის მთავარი თემა სწორედ მიხეილ სააკაშვილის საკითხი იქნებოდა:

„გადაწყვეტილება პოროშენკოს მიღებული ჰქონდა აქ ჩამოსვლამდე, სხვაგვარად  ის თბილისში არ ჩამოვიდოდა. პოროშენკო სულელი არ არის და მან მშვენივრად იცოდა, რომ სასაუბრო, არაოფიციალური მთავარი თემა იქნებოდა, ალბათ,  სააკაშვილის პრობლემა. ამიტომ, საუბარი რომ აქ გადაწყდა, ივანიშვილმა დააჯერა, ეს ისეთი დილეტანტიზმია, როგორიც დღეს გაბატონებულია საქართველოს დანარჩენ სფეროებში დაწყებული საგარეო  საქმეთა სამინისტროდან, დამთავრებული ეკონომიკით. პოროშენკო არავითარ შემთხვევაში ფეხს არ ჩამოდგამდა საქართველოში, მას რომ უკვე არ ჰქონოდა მიღებული გადაწყვეტილება, გათავისუფლებულიყო სააკაშვილისგან“,-განაცხადა სოსო ცინცაძემ.

როგორც ცნობილია, საქართველოს ექს პრეზიდენტ მიხეილ სააკაშვილისთვის უკრაინის მოქალაქეობა ჩამორთმეულია უკრაინის პრეზიდენტის ბრძანებით, მოქალაქეობის მიღების პროცედურის დროს არასწორი ინფორმაციის მიწოდების მოტივით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს