„ქალბატონ შორენა თეთრუაშვილს მხოლოდ ის შეუძლია, რომ ცილისწამებებით და ინტრიგებით ადამიანს ხელი შეუშალოს“, - ასე უპასუხა ჭონდიდის მიტროპოლიტმა, მეუფე პეტრე ცაავამ ჟურნალისტის კითხვას -„შეეძლო თუ არა შორენა თეთრუაშვილს მამა გიორგი მამალაძისთვის კარიერულ წინსვლაში ხელის შეშლა“.

როგორც მეუფემ საქალაქო სასამართლოში, ე.წ. ციანიდის საქმეზე დაკითხვის შემდეგ განაცხადა, გამოძიებას კითხვები ძირითადად მის სატელევიზიო გამოსვლებთან დაკავშირებით ჰქონდა.

„მე დავიკითხე ჩემი სატელევიზიო ეთერებში გამოსვლებიდან გამომდინარე. იგივე შეკითხვები იყო და იგივე დავადასტურე, ჩემი აზრი რაც არის და დავადასტურე რომ საქართველოს საპატრიარქოში არსებული პირველხარისხოვანი პრობლემა არის ამ ქალბატონის, შორენა თეთრუაშვილის ხელში არსებული ძალაუფლება. მას მხოლოდ შეუძლია, ცილისწამებებით და ინტრიგებით ადამიანს შეუშალოს ხელი, მის არსებობასაც კი“, - განაცხადა მეუფე მეტრემ და დასძინა, რომ მამა გიორგი მამალაძე უსამართლო პატიმარია.

"მამა გიორგი მიმაჩნია, რომ არის უსამართლო პატიმარი, უცოდველი და უდანაშაულო არავინ არა ვართ, მათ შორის გამონაკლისი არ არის მამა გიორგი", - განაცხადა მეუფემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს