სუს-ი: მნიშვნელოვანია, კონტრდაზვერვითი საქმიანობის მწარმოებელ სამსახურებთან, კითხვები არ დარჩეს

2017-07-20 15:18:08, 2784 ნახვა

სამართალი

სახელმწიფო უსაფრთხოების სამსახური კონტრდაზვერვის დეპარტამენტის დირექტორის, ოთარ კუპრაშვილის მიერ თანამდებობის დატოვებასთან დაკავშირებით განცხადებას ავრცელებს.

„სახელმწიფო უსაფრთხოების სამსახურის კონტრდაზვერვის დეპარტამენტის დირექტორმა ოთარ კუპრაშვილმა თანამდებობა დატოვა.

ვინაიდან აფგან მუხტარლის საქმის გამოძიებასთან დაკავშირებით საზოგადოებაში გაჩნდა გარკვეული კითხვები, გამოძიების დასრულებამდე უმჯობესია მან თანამდებობა დატოვოს.

მნიშვნელოვანია, რომ საზოგადოებას მიმდინარე გამოძიებასთან და კონტრდაზვერვითი საქმიანობის მწარმოებელ სამსახურებთან მიმართებაში, არავითარი კითხვები არ დარჩეს“, - ნათქვამია სუს-ის განცხადებაში.

შეგახსენებთ, დღეს შინაგან საქმეთა მინისტრმა გიორგი მღებრიშვილმა აზერბაიჯანელი ჟურნალისტის, აფგან მუხთარლის საქმეზე გამოძიების შუალედური ანგარიში წარმოადგინა. გარდა ამისა, მინისტრმა აღნიშნა, რომ საქმეზე გამოძიების დასრულებამდე, შსს-ს სასაზღვრო პოლიციის უფროსმა და სუს-ის კონტრდაზვერვის დეპარტამენტის დირექტორმა თანამდებობები დატოვეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან