სოფლის მეურნეობის მინისტრის ლევან დავითაშვილის ინფორმაციით, ქართული სუნელების საიმედოობასთან  დაკავშირებული საკითხი უწყების მიერ ბოლომდე შესწავლილია.

როგორც დავითაშვილმა დღეს გამართულ პრესკონფერენციაზე აღნიშნა, ქართულ პროდუქციაში მძიმე მეტალების რაოდენობა დასაშვებ ნორმებშია.

„მე მინდა სრული პასუხისმგებლობით გითხრათ, რომ ქართული სუნელების საიმედოობასთან დაკავშირებული საკითხი, ბოლომდეა შესწავლილი სოფლის მეურნეობის სამინისტროს მიერ. ქართულ პროდუქციაში მძიმე მეტალების რაოდენობა არის დასაშვებ ნორმებში, შესაბამისად ქართული პროდუქტი საიმედო და სანდოა. ამაზე სრული პასუხისმგებლობით გესაუბრებით. იყო ინფორმაცია მომატებული  ტყვიის შემცველობის  შესახებ.  ის გამოქვეყნდა ნიუ-იორკის ჯანდაცვის დეპარტამენტის ვებ-გვერდზე და ეს არ იყო არცერთი ფედერალური სააგენტოს ოფიციალური შეტყობინება საქართველოს მიმართ“,-განაცხადა დავითაშვილმა.

მინისტრის თქმით, აშშ-ში არცერთ  ფედერალურ უწყებას  არცერთ ქართულ სასურსათო პროდუქტზე, მათ შორის იგივე სუნელებზე, შეზღუდვა არ დაუწესებია.

„ამერიკის შეერთებული შტატების საბაჟო უწყებები, სურსათის კონტროლის ძირითადი უწყებები,  ის უწყებები, რომლებიც ჩვენთან ძალიან კარგ კომუნიკაციაში არიან არ კრძალავენ ქართულ პროდუქციას. შესაბამისად ერთეული ფაქტები, რომელიც დაფიქსირდა რა თქმა უნდა საჭიროებს დამატებით შესწავლას. იმისთვის, რომ დავადგინოთ თუ რა იყო პრობლემის მიზეზი. ჩვენ ამისთვის ვმუშაობთ სწორედ ამ კონკრეტულ  განყოფილებასთან, რომ მეტი ინფორმაცია მივიღოთ. მათ შორის ჩვენი დიპლომატიური არხების მეშვეობით და ჩვენი იმედი გვაქვს, რომ უფრო მეტი ინფორმაცია მოგვცემს საშუალებას  უფრო მეტი კომენტარი გავაკეთოთ ამ საკითხთან დაკავშირებით“,-დასძინა მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის