გაზის ტრანსპორტირების ტარიფი გაიზარდა

2017-07-17 13:52:50, 2935 ნახვა

ეკონომიკა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 17 ივლისის საჯარო სხდომაზე შპს „საქართველოს გაზის ტრანსპორტირების კომპანიისათვის“ ბუნებრივი გაზის ტრანსპორტირების ტარიფის დადგენაზე იმსჯელა.

კომისიის გადაწყვეტილების შესაბამისად, შპს „საქართველოს გაზის ტრანსპორტირების კომპანიას“ ბუნებრივი გაზის ტრანსპორტირების სხვადასხვა კატეგორიის მომხმარებლებისათვის ერთიანი ტარიფი დაუდგინდა, რომელმაც შეადგინა 1.884 თეთრი/მ3-ზე.

ტარიფი მოცემულია დღგ-ს გარეშე.

ტარიფის მოქმედების ვადა განისაზღვრა 2017 წლის 20 ივლისიდან 2018 წლის 31 დეკემბრის ჩათვლით.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან