ელისო კილაძის შვილი დავით ხარშილაძე სასამართლო დარბაზიდან გაათავისუფლეს

2017-07-13 12:47:00, 2700 ნახვა

სამართალი

„ქრონიკა პლუსის“ რედაქტორის ელისო კილაძის შვილი დავით ხარშილაძე სასამართლო დარბაზიდან გაათავისუფლეს.

მოსამართლე ხათუნა ხარჩილავამ დღევანდელ სხდომაზე აღკვეთის გადასინჯვის გადაწყვეტილება საკუთარი ინიციატივით მიიღო.

ხარშილაძე გირაოს სახით 15 000-ლარიანი გირაო დაეკისრა. ასევე სასამართლოსთვის პირადობის მოწმობისა და პასპორტის ჩაბარება დაევალა.

პროკურატურა აღკვეთის ღონისძიებად კვლავ პატიმრობას ითხოვდა, რადგან მათი თქმით, არსებობს საფრთხე, რომ ბრალდებული გამოძიებას მიემალება. თუმცა, ადვოკატებმა აღნიშნეს, რომ ხარშილაძე მიმალვას არ აპირებს და გამოძიებასთან ითანამშრომლებს.

ბრალდებულმა დავით ხარშილაძემ დღევანდელ სხდომაზე სასამართლოს ჩვენება საკუთარი ინიციატივით მისცა და დაკავების დეტალები გაიხსენა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან